आमा

 

आमा 😪

आमा… तिम्रो सम्झनाले तड्पाइरहेछ यो मन,
तिम्रै मायाको छायाँ खोज्छ दिनरात झन्।
आमा… फर्की आऊ न एकछिन सपनामा,
यो विरह सहन गाह्रो भयो अब त मनमा।

तिम्रै यादमा मुटु गाँठो परेझैँ हुन्छ,
मनभित्र पीडाले सधैं पोलिरहन्छ।
समुद्रको ज्वारभाटाजस्तै भक्कानो आउँछ,
आँखाभरि आँसु बनी बगिरहन्छ।

आमा… तिम्रो सम्झनाले तड्पाइरहेछ यो मन,
तिम्रै मायाको छायाँ खोज्छ दिनरात झन्।

हे आमा, किन सपनामा पनि आउँदिनौ तिमी?
एकछिन भए पनि सान्त्वना दिई जाऊ निमी।
यो एक्लोपनले मनलाई चिर्दै जान्छ,
तिम्रो अभावले जिन्दगी नै रुँदै जान्छ।

कसलाई सुनाऊँ यो मनको व्यथा,
तिमीबिनाको जीवन भयो अधुरा कथा…

आमा… एकपल्ट फर्केर हेरिदेऊ,
तिम्रो सन्तान आज पनि तिमीलाई नै खोजिरहेछ…

                         ~०~