आमा

. आमा.<

  आमा पुकारेँ तिमीलाई मैले, किन कुनै उत्तर दिएनौ तिमीले ?  बादलपारि लुकेर कति बस्छौ आमा, एकपटक बादल चिरेर हेरिदेऊ न मलाई ।। 
 तिम्रो सम्झनाले रातभरि निदाउन दिँदैन, मनभित्र पीडाको हुरी चलिरहन्छ । तिमी नभएको यो संसार सुनसान लाग्छ, आँखाभरि आँसु बनी तिम्रै याद झरिरहन्छ ।।  आमा... तिम्रो त्यो मायालु स्वर सुन्न मन छ, टाउको सहलाउँदै “छोरा” भनेको सुन्न मन छ । एक झल्को भए पनि देखिदेऊ न आमा, तिम्रो अभावले यो मन रोइरहेछ ।।  जुनतारा झैँ टाढा भए पनि आमा, मेरो हरेक सासमा तिमी नै छौ । बादल चिरेर आशिष बनि झरिदेऊ, तिम्रो मायाले अझै बाँचेको छु म ।।

  ~०~